Məqalədə tələbələrin milli-mənəvi dəyərlər fonunda vətəndaş identikliyinin formalaşdırılmasında ali məktəb müəlliminin vəzifələri, bu problemin müasir dövrdə aktuallığını şərtləndirən amillər öz əksini tapmışdır. Vətəndaş identikliyi hər bir dövlətin sosial-siyasi cəhətdən gücünə təsir edən, bu istiqamətdə insanlarda Vətən, torpaq sevgisini daha da alovlandıran amildir. Bu mənada həm təhsilin, həm də bütövlükdə cəmiyyətin qarşısında duran başlıca vəzifələrdən biri strateji əhəmiyyətə malik vətəndaş identikliyinin yeni modelinin hazırlanmasıdır. Məqalədə qeyd edilir ki, müasir dünyada gedən güclü qloballaşma, mədəniyyətlər və sivilizasiyalar, iqtisadi sistemlər arasındakı sürətli inteqrasiya müxtəlif yaş dövrünə aid olan nəslin vətəndaş identikliyinin formalaşdırılmasını aktuallaşdırır.