Məqalədə plastiki deformasiya üsulları ilə səthlərin möhkəmləndirilməsi texnologiyalarının fiziki və texnoloji xüsusiyyətləri araşdırılmışdır. Kalibrləmə, diyirlətmə, dornalama və basıb-itələmə kimi metodların tətbiqi zamanı materialların səth bərkliyinin, ölçü dəqiqliyinin, yorulma möhkəmliyinin və dözümlülük həddinin artması göstərilmişdir. Həmçinin müxtəlif konstruksiya materiallarının (polad, çuqun, alüminium və mis ərintiləri) plastiki emalı nəticəsində əldə edilən səth keyfiyyəti, enerji sərfi və iqtisadi səmərəlilik göstəriciləri müqayisə olunmuşdur. Tədqiqat nəticəsində müəyyən edilmişdir ki, plastiki deformasiya ilə səth möhkəmləndirmə metodları mə mulatların uzunömürlülüyünü və istismar etibarlılığını əhəmiyyətli dərəcədə artırır.