Məqalədə təhsil və təlimin keyfiyyətinin yüksədilməsində müasir texnologiyalardan istifadənin yollarından, “təlim keyfiyyəti” anlayışının fəlsəfi və sosial aspektlərdə əsas xüsusiyyətlərindən bəhs olunur. Ümumilikdə, təhsil sahəsində təlimin keyfiyyətinin müxtəlif sahələri təhlil edilir. Təlimin keyfiyyət sisteminin strukturlaşdırılmasına funksional və fəal yanaşma vacib xarakter daşıyır. Təlim keyfiyyətinin yüksəldilməsi üçün ümumi, konkret və ciddi şərtlər var ki, bu şərtləri hər bir pedaqoq nəzərə almalıdır. Bununla yanaşı, təhsilin keyfiyyəti hər bir təhsilalanın qabiliyyətlərinin, hərəkət səriştələrinin, qavrama, anlama mexanizmləri və davranışlarının formalaşması əxlaq və mənəviyyatının təzahürü kontekstində müəyyən olunaraq təmin edilməlidir.