Təhsil sahəsi dünyada gedən qlobal dəyişikliklərin – iqtisadi, mədəni, ictimai, insanların gündəlik fəaliyyətlərinin və texnologiyanın inkişafına adaptasiya və uyğunlaşma edən əsas sahələrdən biridir. Məqalədə Azərbaycan təhsil sisteminin dünya təhsil sistemi səviyyəsinə qaldırılması istiqamətində təhsil sahəsində görülən işlər, əldə olunan nailiyyətlərin qorunub saxlanılması, sistemləşdirilməsi və gələcək perspektivlər araşdırılır. Tədqiqatda təhsilimizin tarixilik və müasirlik baxımından inkişafı təhlil olunaraq təhsilin qlobal çağırışlara uyğun formalaşması, təhsildə aparılan islahatlar, təlimin məzmununda gedən dəyişikliklər, yeni texnologiyaların yaradılması və onların beynəlxalq təhsil təcrübəsində tətbiqinin nəticələri izah edilir.