İnnovasiyayönümlü fəaliyyətin stimullaşdırlması hesabına elmi-tədqiqatların səmərəliliyinin yüksəldilməsi büdcədən maliyyələşdirilmə, kreditlərin verilməsi, elmi-texniki yeniliklərə verilən kreditlər üzrə faiz dərəcələrinin müəyyən hissəsinin subsidiyalaşdırılması kimi mühüm tədbirlərə əsaslanır. Bu baxımdan dünya təcrübəsində elmi və innovativ fəaliyyətə dövlətin maliyyə dəstəyi konkret hədəflər üzrə müəyyən edilir. Elmi və innovativ fəaliyyətin inkişafı üçün nəzərdə tutulan stimullaşdırıcı mexanizmlər elmi-texniki işlərin genişləndirilməsinin səmərəli vasitələrindən olmaqla, elmi potensialın formalaşmasına da ciddi təsir göstərir.