Müasir dövrdə nüvə silahları qlobal təhlükələrdən biri hesab olunur. Nüvə partlayışı zamanı yaranan amillər insan sağlamlığı və ətraf mühit üçün ciddi təhlükələr yaradır. Məqalədə nüvə partlayışının əsas zədələyici amilləri, radiasiyanın növləri, ətraf mühitə, eləcə də insan orqanizminə təsirləri nəzərdən keçirilir. Bu təhlükələrdən müxtəlif şəraitlərdə qorunma, davranış qaydaları, qida və su təhlükəsizliyi, radioaktiv çirklənmədən sonra görülən digər tədbirlər haqqında geniş məlumat verilir. Məqalənin məqsədi nüvə və radiasiya təhlükəsi zamanı geniş oxucu kütləsini düzgün maarifləndirməkdir.