Bitkilərin qidalanmasının elmi-nəzəri və təcrübi əsasları göstərir ki, bitkilər xarici mühitlə daima qarşılıqlı əlaqədə olur. Bitkilərin normal inkişaf etməsi, yüksək və keyfiyyətli məhsul verməsi üçün kompleks həyat faktorları olmalıdır. Onlardan ən vacibi isə bitkilərin qidalanmasıdır. Bitkilərin qidalanmasını öyrənmək aqrokimya elminin ən mühüm vəzifələrindən biridir. Məqalədə bitkilərdə gedən maddələr mübadiləsi tədqiq edilərək bitkiləri normal qidalandırmaqla məhsuldarlığının artırılması, eləcə də keyfiyyətinin yaxşılaşdırılması vasitələri araşdırılır və iqtisadi göstəriciləri təhlil edilir.