Məqalədə çağdaş pedaqogika elmində müəllimin pedaqoji qabiliyyətlərinə yeni yanaşma gender bacarıqlarının bu qabiliyyətlər sırasına daxil edilməsinin pedaqoji əhəmiyyəti geniş təhlil edilmiş, eləcə də gender bacarıqlarının komponentləri, səviyyələri, bu istiqamətdə müəllimlər üçün zəruri olan metodların, prinsiplərin və vasitələrin tədqiqatı, müasir müəllim modelində yeni elmi sahə olan genderşünaslıqla bağlı yanaşmalar öz əksini tapmışdır. Tədqiqat işində peşələr içərisində öz mahiyyətinə görə ən dəyərli və ilk peşələrdən olan müəllimlik peşəsinin məzmunca zəngin və rəngarəngliyi geniş izah edilmiş, müxtəlif tarixi formasiyalarda bu peşəyə verilən qiymət onun pedaqoji əhəmiyyətini bir daha təsdiq etmişdir.