Dünyada, həmçinin də Azərbaycanda əsas enerji mənbəyi olan fosil yanacaqlar iqtisadi inkişafın təmin edilməsində və həyat keyfiyyətinin yüksəldilməsində mühüm rol oynamaqdadır. Bununla yanaşı, onun istifadəsi İnsan İnkişafı İndeksinin əsas komponentlərinə gözlənilən ömür uzunluğuna, təhsil səviyyəsinə və gəlirə mənfi təsir göstərən iqlim dəyişikliyi, çirklənmə və resursların tükənməsi kimi ekoloji problemlərlə əlaqələndirilir. Məqalədə fosil yanacaq istifadəsinin İnsan İnkişafı İndeksinə təsiri təhlil olunub.