Təhlillər göstərir ki, sənaye parkları regionda “demoqrafik cazibə mərkəzi” rolunu oynayaraq məcburi köçkünlərin könüllü və dayanıqlı şəkildə qayıtmasını təmin edən əsas iqtisadi katalizator funksiyasını yerinə yetirir. Sənaye parklarında yaradılan yüksək əlavə dəyərli, texnoloji tutumlu və daimi iş yerləri geri qayıdan əhalinin regionda uzunmüddətli məskunlaşması üçün zəruri olan iqtisadi əsası formalaşdırır. Hökumətin 2030-cu ilədək 150,000 iş yeri yaratmaq hədəfi demoqrafik bərpanın təkcə kəmiyyət deyil, həm də keyfiyyət baxımından dayanıqlı olacağını göstərir. Tədqi qatda post-münaqişə regionlarında iqtisadi inkişaf strategiyasının demoqrafik tarazlığın bərpasında həlledici rol oynadığı, sənaye klasterlərinin isə bu prosesin mərkəzi sütunu olduğu əsaslandırılır.