Məqalədə Azərbaycan Respublikası Elm və Təhsil Nazirliyinin Kollegiyasının 2 may 2024-cü il tarixli, KQ-05 nömrəli Qərarı ilə təsdiq edilmiş “Yeni təhsil proqramlarının (ixtisasların) açılması Qaydaları” təhlil edilir, xüsusilə də peşə təhsili sistemində yeni ixtisasların açılması və təhsil proqramlarının hazırlanması sahəsində vahid çərçivənin formalaşdırılması məsələləri araşdırılır. Həmçinin mövcud qaydaların üstün və zəif tərəfləri qiymətləndirilir, əmək bazarının tələblərinə uyğun çevik və keyfiyyətli peşə təhsili proqramlarının hazırlanması istiqamətində təkliflər irəli sürülür.