Biznes fəaliyyətində biznesin təşkili və idarə edilməsi kimi vacib məsələlərdən biri də biznesin təhlükəsizliyinin təmin olunmasıdır. Hər hansı bir biznes sahəsində təhlükəsizliyin təmin olunması sistemi bu sahənin fəaliyyət dairəsindən və onun maliyyə, yaxud istehsal sahəsinə müvafiq formada təşkil olunmasından asılıdır. Qeyd etmək lazımdır ki, istənilən biznes fəaliyyətinin təhlükəsizlik sistemini başqa bir firma və müəssisədə olduğu kimi tətbiq etmək kökündən yanlışdır.