Ali təhsildə strateji inkişaf planlarının hazırlanması universitetlərin dayanıqlı inkişafı və rəqabət qabiliyyətinin artırılması üçün əsas idarəetmə vasitəsidir. Məqalədə müasir metod və vasitələrin, o cümlədən SWOT və PESTEL analizlərinin, Balanced Scorecard və KPI-ların, həmçinin rəqəmsal texnologiyaların və süni intellekt dəstəyinin strateji planlaşdırmadakı rolu araşdırılır. Tədqiqatda həm nəzəri əsaslar, həm də beynəlxalq və yerli təcrübələr təhlil edilərək ali təhsil müəssisələrinin çevik və adaptiv idarəetmə sistemlərinin qurulması üçün effektiv yanaşmalar müəyyənləşdirilib. Məqalədə strateji planlaşdırmanın mərhələləri və tətbiq olunan metodların üstünlükləri təqdim olunur. Nəticədə müasir metod və vasitələrin inteqrasiyası ali təhsilin inkişafında əhəmiyyətli rol oynayır və universitetlərin gələcək çağırışlara daha hazırlıqlı olmasına imkan yaradır.